نشرت في:
الأربعاء، 12 مارس 2014
نشرت بواسطت
Unknown
توست النخالة والشوفان اللذيذ
أول مرة يطلع توست النخالة حلو أوى معايا كدة بجد تحفة تحفة تحفة
ياريت تجربوه ويارب يعجبكم وقولولى
المقادير
كوب نخالة
كوب دقيق
كوب شوفان مجروش ........ نسيت احطه بالصورة سامحونى
1/3 كوب حليب خالى الدسم
1/4 كوب زيت نباتى أو زيت زيتون
ملعقة كبيرة خميرة
ملعقة كبيرة سكر
ملعقة كبيرة بيكنج بودر
ملعة صغيرة ملح
ممكن تضيفى بيضة ورشة فانيليا بس انا ما حطيت
الطريقة سهلة جدا
حطى الخميرة والسكر فى ربع كوب ماء دافئ وسيبيها تخمر
اخلطى الدقيق والنخالة والملح والبيكنج بودر وقلبيهم
واخلطى الحليب والزيت والبيض والفانيليا كويس فى كوب
حطى الخميرة على خليط النخالة وقلبى
فرغى السوايل على الخليط شوية بشوية وانتى تعجنى
بالاخير ضعى الشوفان وكملى عجن بماء دافئ اذا احتاجت ....... انا ما احتجت
ويكون شكلها كدة
سيبيها ترتاح 10 دقائق وبعدين افريديها فى اى اناء تحبى مثلا زى ده
بس حاولى ما تعجنيها وانتى تفرديها وطبعا الاناء مدهون بزيت ومرشوش دقيق
غطيها وسيبيها ساعة تخمر
وهتلاقيها بقت كدة
حطيها بقى فى الفرن السابق تسخينه على درجة حرارة 220 بياخد حوالى 30 ق وهعلمك حاجة حلوة حطى اى حاجة فيها مية جنبه عشان يطلع حلو انا احط كوب معدنى به ماء فى الفرن مع كل المخبوزات
وده الشكل النهائى وبجد يجنن طعمه لذيييييييييييييييييييييذ
وبالهنا والشفا
انتظرونى مع كيكة النخالة والشوفان الدايت انا هعملها بكرة وحتى لو فشلت هنقلهالكم ههههههههههه